Devotion

有些人，會讓你慶幸能與他們生於同一時代。

踏上舞台的一刻，一個眼神，像要把勇氣奉上給每一位觀眾。毋需宣之於口，只把全身的力量都傾注於音樂上。撥弦，一個輕輕跳躍的動作，你已經覺得佢地真係 DEVOTED to 呢個舞台，DEVOTED to 佢地喜歡既音樂同世界觀。呢d唔係單單話入左邊行就做得到，係唔係DEVOTED to 一件事，企出黎就自自然然就會見到。

想起多年前陳生在吒咜拿獎的一席話：「我真係好鐘意唱歌架。」呢句話果陣都引起左一輪討論，對香港人黎講，大家覺得陳生好有heart，好有夢想，好熱心做好音樂，就當佢絕種動物咁讚。讚得既野，通常都係因為自己無，或者認為係世間少見。其實lum番轉頭，大膽講出自己鐘意既野有咩咁特別？唔知係未我地已經唔習慣將真實既自己表現出黎，唔敢承認自己鐘意既野，鐘意又敢唔去做唔敢去試，因為一d無聊既社會標準而將鐘意做既事壓抑成業餘興趣，將marking scheme 既標準答案寫進自己既未來。你可以話香港人適應能力好高，好擅長逆來順受，包容度高到你唔信，但令一方面咁諗，就係無膽，無堅持，意志不足，又或者係連自己想點都唔係好知… 講真，如果連自己鐘意咩都搞唔清楚，真係無人可以幫到你。

所以，每次見到人好devoted to 做佢鐘意既一件事，我就覺得好慚愧，又提醒番自己點解我仲要存在係呢個世上。
如果我每朝訓醒都找不到當天的意義，那便要開始努力尋找了，找不到的話，死掉算了。

“I’d imagine the whole world was one big machine. Machines never come with any extra parts, you know. They always come with the exact amount they need. So I figured, if the entire world was one big machine, I couldn’t be an extra part. I had to be here for some reason.”
— HUGO

一路睇住隻DVD，無啦啦喊左出黎，如果無左佢地(加上眾多我所仰慕的artists) ，我該如何生活下去。
慶幸能與他們生於同一時代。